رحلة التقديم كاملة، خطوة بخطوة

1. حدد التخصص اللي هتدرسه

ابدأ من هنا: مثلًا "هندسة" أو "طب". كل حاجة تانية (الجامعات اللي هتقارن بينها، مستوى اللغة المطلوب) بيعتمد على القرار ده.

2. اختار لغة الدراسة

للأغلبية هتكون إنجليزي. متتحمسش قوي لفكرة إنك تدرس بالتشيكي ببلاش، فالتشيكي صعب فعلًا وبياخد حوالي سنتين تفرغ كمل عشان تبقى جاهز تدرس بيه.

2ب. فكر في طريق الدراسة بالتشيكي

لو مستعد تستثمر سنة عشان توصل مستوى B2 في التشيكي، تقدر تدرس في الجامعات الحكومية من غير رسوم. في جامعات بتقدم سنين تحضيرية رسمية (مثال: جامعة تشارلز، جامعة مساريك، CTU، ILPS/UJOP). تكلفة السنة التحضيرية تقريبًا من 2,000 لـ5,000 يورو.

4. حدد قدرتك المادية

احسب قد إيه تقدر تدفع كل سنة للرسوم، وقرر هل ناوي تشتغل جنب الدراسة ولا لأ.

5. دوّر على جامعات بتقدم برامج بالإنجليزي

هذه من أكثر الخطوات المرهقة. قارن الرسوم بين قائمة مختصرة من الجامعات لنفس التخصص، وراجع شروط القبول لكل برنامج قبل الالتزام. وجدنا فروقًا فعلية بين 1,000 و2,000 يورو في السنة لنفس التخصص في جامعات مختلفة، من المفيد المقارنة.

6. جهّز الحساب البنكي

الحد الأدنى المعلن من السفارة حوالي 115,810 كرونة تشيكية، في حساب جاري (مش توفير) بأسمك لمدة 6 أشهر على الأقل قبل المقابلة. لو عمرك أقل من 21 ومش هتقدر تفتح حساب بأسمك، حطهم في حساب والدك/والدتك مع صحة توقيع من البنك أو إقرار من الشهر العقاري (حوالي 0.5% من المبلغ كرسوم).

7. جهّز أوراقك من مصر

ستحتاج: بطاقة هوية سارية، شهادة التخرج (أو إثبات القيد إذا كنت لا تزال تدرس)، ثلاث صور شخصية ملونة بخلفية بيضاء، حالة التجنيد، وبيان درجات آخر أربع سنوات. إذا لم يكن معك جواز سفر، قدّمه من مكتب الشرطة التابع لمنطقتك.

8. وثّق وترجم كل الأوراق

خد كل أوراقك للخارجية عشان توثقها، وبعدين ترجمها إنجليزي وتشيكي في مكتب معتمد.

9. استخرج فيش وتشبيه

اذهب إلى أقرب مركز شرطة واحصل على كشف جنائي يثبت عدم وجود أحكم قضائية عليك.

10. قدّم للجامعات وادخل امتحانات القبول

التقديم غالبًا بيفتح في يناير ويقفل حوالي شهر مارس. قدّم بدري قد ما تقدر لأن لو فاتك الموعد ممكن تستنى سنة كملة تانية. الامتحانات غالبًا في مايو أو يونيو. ذاكر كويس واستنى النتيجة.

11. قدّم على سكن الجامعة

أول ما النتيجة تطلع، قدّم على السكن وتواصل مع مكتب الطلاب الأجانب في جامعتك. هتحتاج عقد السكن عشان تقدم بيه على الفيزا.

12. استلم القبول المبدئي

تواصل مع الجامعة عشان تطلب القبول المبدئي وتفاصيل الدفع، ادفع، وبعدين ابعتلهم شهاداتك السابقة عشان يعادلوها.

13. وثّق أوراقك في سفارة التشيك

خد القبول المبدئي وكل أوراقك المجهزة لسفارة التشيك للتوثيق. راجع قائمة أوراق الفيزا الرسمية عشان متنساش ورقة وتضطر تروح تاني.

14. قدّم على فيزا الدراسة

ادخل على موقع السفارة الرسمي، تأكد إن معاك كل الأوراق المطلوبة، وقدّم على فيزا الدراسة.

بتقدّم من مصر؟ دليل الفيزا خطوة بخطوة من المصادر الرسمية ←

15. جهّز نفسك للمقابلة

هيوصلك إيميل بمعاد المقابلة. جهّز إجابات محددة وواثقة عن جامعتك ووضعك المادي وخططك، ويفضل تعمل المقابلة بالإنجليزي مش بالعربي.

16. احجز طيران وتأمين واستلم الفيزا

أول ما توصلك موافقة بالإيميل، احجز تذكرة طيران واشترِ تأمين صحي وابعت نسخ منهم للسفارة. بعدها هيبعتولك معاد استلام الفيزا.

17. سافر واستقر

استلم الفيزا، جهّز أوراقك (في شنطة اليد مش المسجلة)، وسافر. بعد ما توصل هتسجل في شرطة الأجانب، تفتح حساب بنكي محلي، وتختار خط موبايل، كلها تفاصيل يستاهل تقرا عنها قبل ما توصل.