هيسألوني إيه في السفارة؟

رد السفارة اتأخر والدراسة بدأت، أعمل إيه؟

أي محاولة تتواصل مع السفارة مالهاش لازمة لأن ورقك الآن في وزارة الداخلية التشيكية مش معاهم، وهيردوا لما يوصلهم الرد. تقدر تطلب من جامعتك تضيفك على الـ student mode لو ممكن، وده هيسرع الأمور، أو تطلب من الجامعة تتواصل مع الوزارة مباشرة. التأخير لـ90 أو 120 يوم بعد مقابلة السفارة حاجة طبيعية جدًا طالما معداش 90 يوم على معاد بداية دراستك.

لو اترفضت، أقدر أقدم بنفس الورق تاني؟

للأسف لأ، مش ممكن تقدم بنفس الأوراق تاني بعد الرفض.

لو اترفضت، فلوسي بترجعلي؟

مصاريف الفيزا والأوراق مش بترجع. مصاريف الكلية بتختلف حسب كل كلية: في كليات بترجع 90% من المبلغ، وكليات بترجع 75%، وكليات مبترجعش خالص.

لو اترفضت، أعمل تظلم إزاي؟

التظلم بيتعمل خلال أسبوعين من استلام الرفض، ولازم يكون مكتوب بالتشيكي، ويستحسن تلاقي حد يساعدك فيه.

تصريح السفر السياحة مدته كم، وينفع أستخدمه أكثر من مرة؟

بعد آخر تحديث، تصريح السفر مدته 15 يوم بس من تاريخ استخراجه، وصالح للاستخدام مرة واحدة فقط لا غير.

إيه الفرق بين فيزا الـ90 يوم وتصريح الإقامة الطويل؟

الفيزا الطويلة بتخليك تقيم في التشيك أكتر من 90 يوم، وصالحة لسنة بالكتير، ولدخول واحد بس. تصريح الإقامة الطويل ده كارت بيومتري بيتعمل وانت موجود في البلد (عادة بعد الفيزا الطويلة)، وصالح لسنتين، وبيسمحلك تدخل وتخرج بحرية.

يفضل أعمل المقابلة بالعربي ولا الإنجليزي؟

يفضل ألا تعمل المقابلة بالعربي، واعملها بالإنجليزي.

إيه أشهر الأسئلة اللي بتسألها السفارة؟

من أشهر الأسئلة: ليه اخترت التشيك، هل فكرت في دول تانية، ليه اخترت الجامعة دي بالذات، إزاي قدمت، إيه الأوراق اللي قدمتها، هل معاك أصل القبول، هتدرس إيه، مستوى لغتك الإنجليزية/التشيكية، وضعك المادي ومين اللي هيصرف عليك، هتسكن فين، ومعلومات عامة عن التشيك (العملة، عضوية الاتحاد الأوروبي من 2004، معالم براغ). جهز إجابات محددة وواثقة مش عمومية.

أحجز معاد السفارة وأوثق أوراقي إزاي؟

ادخل على الموقع الرسمي لسفارة التشيك في بلدك. هتلاقي صفحة مخصصة لتوثيق الأوراق فيها لينك الحجز، وصفحة تانية لحجز معاد مقابلة الفيزا (نموذج التأكيد عادة في آخر الصفحة). المتطلبات والخطوات متشابهة في كل السفارات لكن اللينك بيختلف حسب بلدك.